Қайғырып көңіл айтамыз.
Апат айтып келмейді дегендей, ойламаған жерден еліміздің қорғаныс саласының тағы бір ұшағы апатқа ұшырап, қазақ елінің басына қаралы күн туды. Осы апаттан қаза болған азаматтарымыздың отбасыларының қайғысына ортақтасып көңіл айтамыз. Бұл қайғылы қасірет баршамыздың қабырғамызды қайыстырғаны белгілі. Бұл апаттан қаза тапқандардың барлығы дерлік, еліміздің қорғаныс саласының азаматтары екендігі, сондай-ақ ең үздік білікті де тәжірибелі шекара қызметкерлері болғандығы өкінішті-ақ. Қарыс жерде қаза бар, алдыңда жалғыз қадамда деген осы болар. Алайда болар іс болды. Қанша өкінгенмен қолдан келер қайран жоқ. Сондықтан да қаза болған азаматтарымыздың отбасы туыс туғандарын сабырға шақыра отырып, мұндай қаралы қайғы қазақ халқына қайталанбаса екен дегіміз келеді. Қазақ халқы елі мен жерін қорғап жүріп қаза болған осындай есіл ерлерін ешқашан да ұмытпақ емес. Қазақ халқы барда олардің ерліктері мен есімдері солармен бірге мәңгі жасамақ. Шәйіт болған ерлеріміздің жандары жәннаттан болып, жатқан жерлерінің топырағы торқа болғай. Амин.
Басына елімнің күн туылып қаралы, Қайғырды ел жұртым жүрегі жаралы, Қапыда көз жұмды қаһарман ерлерім, Күзеткен халқы мен қорғаған даланы.
Елім жұртым уатар жесірі мен баласын, Ұландарым күзетер шекаралы даласын, Жаза алмас алай да есілдерін жоғалтқан, Елім менің еш қашан жүрегінің жарасын
Ел жерін қорғап аянбай төккен терлерін, Хош болыңдар қаһарман қайсар ерлерім, Сендер мәңгі тірісіңдер ел халқың барда, Аманат бізге қорғаған елің мен жерлерің,
Барша Оралмандар атынан: БАҒДАЛ АҚЫН ҰЛЫ. ҚР Журналистер одағының мүшесі. Қарағанды. Теміртау қаласы.